【Now財經台】Tesla股價最近「死火」，上周標普唱淡Tesla，股價今年以嚟累跌約45%，跑輸大市，點解跟唔到標指年底呢浸反彈？集團將會推出嘅Cybertruck-Tesla Semi備受市場關注，可唔可以喺電動貨車市場殺出一條血路？
獨立市場策略師陳俊文指，Tesla喺美國電動車市佔率持續下降，中國市場方面，由於Tesla等候期短咗，由之前幾個月變成約1個星期，似乎有供過於求嘅情況，加上有減價、產品回購、需要維修嘅消息，都會影響市場信心。
Norman又話，即將推出嘅Semi對Tesla開拓商業市場，以及整體長期營運成本都好重要，電動貨車可以幫企業節省成本，增加安全性，估計銷量唔錯。不過，基於產量及銷量問題，短線未必可以幫到Tesla扭轉頹勢，但中長線仍有憧憬。
