【Now財經台】截至早上11時止，1小時內《彭博》用戶關注度上升最多港股，依次為吉利汽車(00175)、銀河娛樂(00027)、長城汽車(02333)、建業地產(00832)、合景泰富集團(01813)。
車股今日普遍逆市造好，吉利最近指極氪11月銷量大升，而傳統車股年底有估值修正，其中長汽已率先收復100天線，吉利亦逼近100天線，至於東風集團(00489)要上返100天線都應該唔難，如果想買車股，應該點揀好？
資深證券分析師彭偉新指，依家投資者對估值較高嘅電動車股，都會喺數據出爐後先追一浸，之後停一停，再回一回調，等下一轉數據出。佢又話，傳統車股都出現咗明顯嘅買貨訊號，資金流入大增，反映投資者對車股逐步回升有憧憬及信心。
Castor又話，估值上，唔可以單睇PE，都要睇整體銷售增長等，依家吉利、長汽、東風都係睇估值收復因素，所以短期內跑贏大市機會較大，但長線會有唔少投資者食糊離場，可以升返上去嘅機會不大。
