【Now財經台】過去1個月，本港高息股表現好轉，市值1000億元以上、股息率5厘以上嘅股份，股價喺呢段期間累升超過5%嘅股份共有13隻，高息股最壞時間係咪已經捱過咗？投資者係咪可以開始「尋寶」，重新吸納心水高息股？
安泓投資總監兼香港大學房地產及建設系客席副教授楊書健認為，唔少A股﹑港股已經自9月﹑10月低位回升咗好多，內房股就受惠於政策支持，就算一啲業務比較「悶」嘅公司，股價都升咗唔少，除非12月美國聯儲局議息結果不如預期，即加息步伐未有放慢，否則，港股可以繼續睇好。
如果要喺高息股同高息債之間「2揀1」，Victor表示，傳統上都會以「股六債四」去做配置，又話港企債券其實都係一個唔錯嘅選擇，投資者亦可以考慮。
