【Now財經台】曾是全球第二大加密市場交易平台的FTX爆煲後，加密貨幣嘅基金客戶紛紛「出逃」。根據研究機構CryptoCompare數據顯示，11月投資者從加密貨幣基金資產管理公司中撤資達196億美元，相當於這些基金管理資產約14.5%。
另一邊廂，加密市場交易所龍頭幣安(Binance)創辦人趙長鵬日前建議，成立「行業復甦基金」，並計劃推出「平台儲備金證明方式」，當用戶存入1個比特幣，幣安嘅儲備金至少增加1個比特幣，類似傳統銀行嘅「存款準備金」制度。
LW利達基金經理及合夥人黃耀宗認為，幣安嘅建議或有助挽回長線投資者信心，但亦係藉燒錢淘汰唔夠財政實力嘅同業，似乎同加密貨幣想達致去中心化嘅原意愈走愈遠。
