【Now財經台】L’OCCITANE(歐舒丹)(00973)歐舒丹中期純利增長3%，連續第2年創新高，收入增長29%，經營溢利亦增長10%，雖然幾個大數都有增長，但點解股價今日由頭跌到尾？
獨立股評人莫灝楠指，港股今日大升市，但歐舒丹都冇乜反應，走勢上係跑輸大市，但相對其他同業或同類板塊，歐舒丹表現唔係特別差，銷售增長、毛利率都keep到，但由於成本增加，導致淨利潤追唔上銷售增長，不過，喺依家嘅經濟環境下，都交到一份咁嘅業績，其實都收貨。
Casper又話，歐舒丹淨利潤率跌幅唔係特別誇張，歐舒丹主要市場係內地及歐洲，依家呢兩市場嘅經濟環境都非常一般，但歐舒丹業績都算硬淨，加上集團以歐元記帳，所以港元帳面股價都匯兌影響。
