【Now財經台】中國旺旺(00151)中午出咗中期業績，盈利、收入及毛利率都要跌，不過，公司冇因為業績倒退減派息，反而派多咗37%，但股價下晝一度插水，險守5元關口，旺旺股價噚日跌至14個月低位，要揀食品股，康師傅控股(00322)有「染藍」概念、統一企業中國(00220)派息率較高、日清食品(01475)走勢最好，相比之下，旺旺吸引力係咪最低？
獨立股評人譚智樂指，旺旺嘅賣點的確唔夠另外幾隻食品股吸引，但其實整個板塊喺過去一段時間，都可以跟隨大市向上，但升幅就遠遠跑輸大市，依家市場炒緊放寬防疫措施，明年消費市場出現報復式反彈，雖然食品股都可以受惠，但受惠程度就唔會太大。
Arnold又話，雖然旺旺增派息，但只能支持股價唔會失守5元關口，估計呢類大眾化必需品股，未來一段時間仍會跑輸大市，又指喺依家嘅環境下，值博率比較低，原因係...
