我的股票

    名稱 現價 升跌

    資料報價延遲十五分鐘

    【專家分析】大家樂疫後復甦路難行?

    【分析】 2022/11/28 16:30

    【Now財經台】大家樂(00341)中午出咗中期業績,多賺逾33%,如果按季睇,第2季表現較第1季明顯復甦,不過,睇返爆發疫情以來,餐飲業係其中一大重災區,雖然大家樂收入仍達疫情前80%至90%,但盈利就只有疫情前唔夠一半,點睇公司疫後嘅復甦能力?

    英皇證券研究部總監陳錦興指,疫情前大家樂嘅業務模式係做快速餐飲,內地業務亦做得唔錯,增長強勁,但疫後香港嘅生意差咗,因為內地疫情反覆,令生意長期受影響,對盈利打擊係較大,公司生意唔好,但電費、水費等開支係必須,加上通脹持續,令毛利率繼續受壓。

    Stanley又話,疫情期間,大家樂仍擴充門市,未來要留意新開門店嘅業務發揮到唔到位,相信要等內地及香港疫情受控,內地放寬防疫措施先會發揮到規模效應,令門市銷售增長加快,繼而帶動收益及毛利率上升。

    陳錦興
    英皇證券研究部總監
    想睇更多財經消息

    相關股票

    編號名稱
    00341大家樂集團