【Now財經台】截至早上11時點止，1小時內《彭博》用戶關注度上升最多港股，依次為永利澳門(01128)、銀河娛樂(00027)、中國恒大(03333)、美高梅中國(02282)及雅生活服務(03319)。
澳門6大牌主全部冧莊，新競爭者雲頂就出局，符合大行預期，不過，賭股今朝早段個別發展，雖然不明朗因素消退，但開市時個別賭股反而受壓，中午前先倒升，升幅亦顯著擴大，點解會出現呢個情況？
富昌證券聯席董事譚朗蔚指，永利及美高梅今早升得較多，而一眾賭股中，佢建議可以多啲留意金沙中國(01928)，從佢嘅走勢嚟睇，即使港股今朝一度瀉700點，但金沙仍可以升5%，不過，要小心金沙股價波幅較大。
佢又話，澳門通關及賭場入場人數仍有不確定性，因此，賭股未必真係有太大憧憬，但股價應可繼續企穩現水平。
