【Now財經台】港股今朝一度失守17000點關口，內地每日確診數字持續上升，最新已突破4萬宗，令市場憂慮經濟復甦前景，由於天氣轉冷，確診數字未來或有增無減，疫情防控措施短期係咪會繼續成為左右股市大局嘅主因？
資深證券業人士溫天納指，外圍因素係其中一個重點，人民銀行上周五宣布降準0.25個百分點，估計會「放水」約5000億人仔，根據過往經驗，降準前嘅消息炒作會拉動市場，到真係宣布後就會出現整固，今次降準目的係穩經濟及作為平衡對沖嘅工具，而未來會唔會減息係另一個重點，基於上述提及嘅因素，導致市場觀望情緒濃厚，投資者部署必定偏向保守。
