【Now財經台】經營天仁茗茶嘅賓仕國際(01705)噚晚出咗中期業績，股價今朝逆市升，高開逾5%後，升幅好快擴大至逾12%，高見0.32元，但由於成交唔算活躍，升幅好快收窄，最新僅升逾1%。
賓仕中期多賺逾2倍至約2090萬元，屬之前盈喜範圍上限，擬派中期息2.5仙。
此外，受疫情影響，集團預期，市況短期都難以復常，加上明年隨時冇政府補貼，未來業績及派息係咪可持續都好難講，雖然股價今朝一度大升，成交股數較過去100日同時段多25倍，但實際成交金額只得幾萬元，成交只有20宗左右。此外，公司市值一度達30億元，不過，依家已大幅縮水至逾1億元。
