【股市脈搏】哈爾濱電氣可升見3字頭？

【Now財經台】哈爾濱電氣(01133)股價臨近中午收市突然抽高，午後升幅進一步擴大，一度高見2.98元，升逾6.4%，成交較過去100日同時段平均增2倍。

集團最新宣布5億幾人仔，認購南網儲能A股，南網儲能做水力發電等業務，有國企背景嘅中國南方電網亦係佢股東，哈爾濱電氣透過今次收購，可以加大水電發展。

哈爾濱電氣股價曾因氫能概念及私有憧憬被炒高，但之後無哂聲氣，股價亦顯著回套，最近連日炒上，今日再突破50天線，逼近9月初高位3.08元，後市要留意短期可唔可以衝破3元關口。