【Now財經台】北京北辰實業股份(00588)今朝無升跌兼零成交，但午後一開市就有資金湧入，股價最多升30%，高見1.06元，不過收市都係未能企到1蚊關口，收市報0.99元，升22%，成交股數較過去100日同時段平均成交增加78倍。
集團係北京市屬的大型國有企業，主業係內房，主要從事物業開發、投資、銷售和租賃業務。今年頭9個月要由盈轉虧，蝕7億幾，業績唔掂，即使公司背景係國企，在內房債務危機下股價都跌唔停。
北京北辰今日喺冇消息下突然炒上，估計係資金搵股炒及輪流炒價殘國企，如果用估值計，北京北辰絕對係殘股，要追估值落後，上升空間係有，但股份平日成交唔多，業績又差，追入風險都唔細。
