【Now財經台】內地及香港「中字頭股」突然炒起，估計同中證監主席易會滿話，要探索建立具中國特色嘅估值體系有關，依家央企市盈率(PE)普遍唔夠8倍，係近10年最低水平，亦明顯低於A股整體約14倍嘅水平，易會滿的言下之意，係咪官方認為按一般國際市場準則，唔可以真實反映各行業相關企業真正估值？
華盛証券經紀部董事李偉傑指，其實都係，因爲現時喺香港上市嘅中企，估值真係好平，以今日升得較犀利嘅中國交通建設(01800)爲例，股息率約3倍，預測PE約2.6倍，息率約6厘，估值都幾平。
Jason又話，中字頭股今日喺呢啲消息、氛圍下大幅炒上，雖然中證監指係估值體系問題，但要提升估值，始終要市場資金配合。
