【股市脈搏】買香港小輪收息宜睇定啲

【Now財經台】香港小輪(00050)發盈喜，預期今年多賺9倍至逾11億元，值得留意係，公司之前話，明年將會派特別息，依家業績做得咁好，可能投資者憧憬派息會加碼，刺激股價今朝大升，一度高見7元，升近13%，其後升幅收窄，成交股數較過去100日同時段平均大增36倍，暫時成交金額逾150萬元。

不過，睇返技術走勢，香港小輪14天RSI已經上到71嘅超買水平，建議想收息嘅投資者睇定啲先買入，始終公司要到出年3月先公布派息詳情。