【Now財經台】中國中免(01880)、零跑汽車(09863)及騰訊音樂(01698)上周五獲恒指公司納入恒生綜指成分股，將會喺12月5日生效，除此之外，中免早前都被納入MSCI新興市場指數，將會喺月底生效。
不過，中免今朝表現係3隻「新貴」中最差，雖然上兩個星期內地放寬咗部分防控措施，但對中免嘅利好未浮現前，內地確診宗數不斷上升，相信對中免股價有一定影響。
中免係今年新股「集資王」，股價表現硬淨，8月上市至今，除咗首掛跌穿IPO價158元外，一直企喺IPO價以上，若以現價計，仍較IPO價高近10%，後市要留意內地疫情發展，若疫情可以喘定，中免股價喺165元應有一定支持，否則，疫情相關疑慮再升溫，旅遊消費難免受到拖累。
