【Now財經台】維他奶(00345)中午出咗中期業績，雖然恢復派中期息，但收入按年僅增長1%，香港業務經營溢利，如果扣除政府因應疫情提供嘅補貼，大跌25%，毛利率亦冇太大改善，維持喺48%水平，股價午後仲要轉跌，成份業績似乎冇咩驚喜比到投資者。
亨達財富管理董事總經理姚浩然指，維他奶業績的確欠缺驚喜，利潤有增長係因為集團削減部分開支，唔係生意額上升，所以只係一份中規中矩嘅業績。Patrick又估計，維他奶毛利率可維持穩定，但要透過開發新產品或加價提升盈利能力。
【專家分析】維他奶要靠新產品、加價谷盈利
【分析】 2022/11/18 15:57
