【Now財經台】中教控股(00839)股價今朝平開後，好快就發力向上，並愈升愈有，一度大升近13%，高見8.32元，暫時成交逾8700萬元。
內地教育行業最近有利好消息，教育部話，要全面核查同加強職業學校基礎設施建設，各項指標嚴重不達標嘅學校須終止辦學。
消息利好一眾龍頭職業學校，因為可以減少潛在競爭對手，中教專門做高等教育及職業學校，集團今年上半年多賺40%，註冊新生人數按年大增48%，基本面比同業好。
不過，值得留意係，即使股價近日造好，但唔算好多資金跟進，後巿要睇實係咪可以企穩250天線。
