【Now財經台】主板仙股天任集團(01429)噚日收市後發盈喜，預期截至9月底上半年，多賺1.1倍，股價今朝高開逾13%後，升幅擴大，一度勁升59%，高見0.07元，但升幅好快收窄，成交都明顯縮咗，收市報0.053，升逾20%。成交股數較過去100日同時段平均激增102倍，係近2年最多。
天任今日急升已突破20天線，但明顯見到係衝高回落格局，做出一條相當長嘅上影線，反映高位冇承接，加上呢隻仙股平時交投淡靜，有唔少日子甚至零成交，公司又冇息派，即使嚟緊政府工程多咗，基本因素或有望改善，但最好都等到成交轉旺先再考慮部署，咁樣會比較穩陣。
