【股市脈搏】兆科眼科再上要考驗呢個阻力

【Now財經台】至今仍未有收入，亦未有錢賺嘅兆科眼科(06622)，股價今日幾乎由頭升到尾，今朝平開後，曾短暫向下，之後成交急增，股價掉頭向上，一度高見2.79元，升逾16%，之後升幅收窄，午後維持約8%升幅，暫時成交金額逾1200萬元，較過去100日同時段平均成交大增32倍。

兆科股價已連升第4日，近日成交顯著增加，股價已重上50天線，兆科市值僅逾10億元，近期資金似乎炒細價落後生科股，後市要留意有冇消息跟尾，如果再向上阻力喺100天線，即3.7元水平。