【Now財經台】截至早上11時止，1小時內《彭博》用戶關注度上升最多港股，依次為騰訊控股(00700)、中國銀行(03988)、融創中國(01918)、美團(03690)及建業地產(00832)。
騰訊季績好過預期，大行績後嘅評價都係傾向正面，不過，騰訊股價今朝一度逼近上300元關口，但之後掉頭向下，值得留意係，騰訊實物分派美團B股作為特別中期息，呢個動作對騰訊股價有冇影響？
椽盛資本投資總監曾永堅指，其實市場都預期騰訊會有呢個動作，因為中央正實行「公私合營2.0」，不過，雖然係預期之內，但冇諗過咁快，始終之前已「派」咗京東集團(09618)股份。
股價方面，曾永堅指，騰訊股價10月底至今已累積咗唔少升幅，所以今日向下係正常技術調整，只要守得住50天線，即250元水平就唔使太擔心。
