【Now財經台】上市唔夠5個月，股價一度「深潛」近90％嘅快狗打車(02246)(GOGOX)，今朝開市早段股價橫行，但開市1個鐘後，喺資金湧入下，股價快速推升，最多升逾36%，高見5.62元，衝上1個月高位，不過，午市跟進資金唔多，收市報4.84元，升逾17％，今日成交相當多，成交股數較過去100日同時段平均大增約5倍，全日成交金額近9700萬元。
值得留意係，計埋阿里巴巴(09988)，GOGOX共有17個上市前投資者，持股最多嘅58到家係其中之一，成本價應該都唔會低過阿里，GOGOX下月底就上市滿半年，唔排除有機會繼續借市場氣氛改善炒返上去，但股價回升有機會引嚟股東減持，投資者都要留意。
