【Now財經台】敏華控股(01999)中午派咗中期成績表，半年多賺逾10%，但收入按年減少約8%，毛利率38.8%，較去年同期及去年底都係有改善，派中期息0.15元，較去年同期增15%，敏華呢份業績都應該算係有驚喜，因為內地經濟唔好，但公司仍交到成績，關鍵係咩？派息多咗係咪另一個驚喜？
獨立股評人譚智樂指，敏華業績靚關鍵喺成本控制上，雖然公司收入跌，但今年環球經濟狀況普遍都係倒退緊，今年唔少經濟體如中國、美國，都係去到第3季先擺脫到短線衰退嘅狀況，所以即使敏華收入下跌，市場亦唔會感到驚訝。
至於呢份業績嘅驚喜位，就係毛利率有得升，主要製造家具唔涉及通脹問題，過程較少涉及能源，而原材料、皮革價格都回落，都有利毛利率整體表現。
