【Now財經台】物管股融創服務(01516)今朝高開逾1%後，曾短暫倒跌，其後掉頭向上，並愈升愈有，午後升幅進一步擴大，一度大升逾42%，高見3.19元，成交股數較過去100日同時段平均成交大增7.8倍。
中午前，有內媒體報道，正在停牌嘅融創服務母公司融創中國(01918)，計劃重組所有境內債務，涉及約154億人仔。阿媽債務重組有進展 ，加上內地放寬內房措施，資金自然炒作冇停牌嘅融創服務，如果融創今次過到呢關，有機會幫到融創服務。
融創服務股價3月中跌咗落嚟，之後一直冇起色，不過，內房股近日集體爆升，連帶融創服務喺短短3日之內，成功收復50天及100天線，但值得留意係，14天RSI已上到77嘅超買水平，短期有可能會回套。
