我的股票

    名稱 現價 升跌

    資料報價延遲十五分鐘

    【財經TOP SEARCH】中央連出16招!內房見到曙光?

    【分析】 2022/11/14 12:33

    【Now財經台】截至早上11時止,1小時內《彭博》用戶關注度上升最多港股,依次為碧桂園(02007)、中銀香港(02388)、中國海外發展(00688)、雅居樂集團(03383)、華潤置地(01109)。

    傳出中央推出16項金融措施撐內房,其中包括鼓勵金融機構跟開發商自主協商貸款按排,亦提到可以將未來半年到期嘅貸款可延長1年,但冇提及額度、邊間銀行或發展商,但市場照喪炒內房股,多隻錄雙位數升幅,呢個消息真係有咁大驚喜?

    英皇證券研究部總監陳錦興指,早前官方一直有放寬措施,但當時大環境仲係唔明朗,投資者憂慮內房弱勢會持續,所以市場冇太大反應,直至近期宏觀環境有改善,內地「二十大」後,喺政策層面上支持經濟嘅動作更積極,除咗支持內房發債,今次16項金融措施中,銀保監及銀行都對內房有更明確嘅支持,內房融資方面亦有針對性部署,因此,市場對呢兩項措施睇法都好正面,可以改善內房資金鏈及債務問題,令內房板塊出現報復性嘅升幅。

    陳錦興
    英皇資本財富管理方案研究總監
    想睇更多財經消息