【Now財經台】長飛光纖光纜(06869)擬斥資3.86億元人民幣增持跟公司業務有協同效應的深圳上市嘅博創科技,不過長飛股價暫時連跌第3日,即使今日大市氣氛好轉,對佢完全無作用……
紅蟻資本投資經理李澤銘就指出,長飛今年累計升約20%,已經跑贏咗呢輪升市反彈嘅好多股份,只係市場現時更偏好炒消息同波幅大嘅股份,所以表現穩陣嘅長飛先冇咩熱度。
Alan認為,兩間公司業務性質唔同,料長飛增持後要一段時間才見到協同效益,不過,長飛基本面好,主要客戶係內地三大電訊商中國移動(00941)、中國聯通(00762)、中國電信(00728),今年招標量較前幾年增長逾10%,加上中國今年光纖光纜出貨量按年飆升逾60%,同時供應減少,提升公司定價能力。
佢預期,長飛估值有上升空間,如果睇好公司長線發展可以現價入定貨。