【Now財經台】截至早上11時，1小時內《彭博》用戶關注度上升最多嘅港股依次為吉利汽車(00175)、李寧(02331)、東方海外國際(00316)、銀河娛樂(00027)及建設銀行(00939)。
星期一吉利公布分拆旗下經營高端電動車嘅極氪(ZEEKR)獲批後，走勢不錯累升17%。吉利今朝最多升逾11%，高見10.16元後升幅略為收窄。
今日汽車股表現相當強勢，包括又創單月銷售紀錄嘅比亞迪股份(01211)，造車新勢力蔚來(09866)、小鵬汽車(09868)、理想汽車(02015)更見雙位數升幅。
寶鉅證券董事及首席投資總監黃敏碩認為，近日市況好轉，所以利好消息可以炒得耐啲。
