【Now財經台】聯想集團(00992)截至9月底止上半年多賺8%，收入就按年跌2%，維持派中期息8港仙，分部收入表現，規模最大嘅智能設備業務按年跌7%，但方案服務同基礎設施方案部分按年升約24%至25%。
艾德金融聯席董事陳政深認為，經濟環境轉差嘅情況下，聯想業績算不錯，又指出，企業對智能設備需求下降時，聯想轉型靠方案業務成為主要增長動力係好事。
佢提到，業績中見到集團明顯加大研發成本，相信有助集團於經濟復甦後，把握企業設備升級需求。
Ryan又話，聯想估值算平，派息平穩，業績令市場對集團中長線前景有憧憬，唔少長線投資者都會選擇聯想，因此唔太擔心中長線股價表現。佢預期，聯想股價有望慢慢重上今年上半年平台區底部，即6.8元水平。
