【Now財經台】截至早上11時止，1小時內《彭博》用戶關注度上升最多港股，依次為中國恒大(03333)、建設銀行(00939)、石藥集團(01093)、中國聯通(00762)及中國金茂(00817)。
恒大債務危機的消息再次出現，反映內房表現依然麻麻，手尾仲好長，今日有報道指，恒大主席許家印山頂3間別墅中，有一間價值7億的被銀行收咗，恒大債務點解會掃到去個人層面身上？
椽盛資本投資總監曾永堅指，內地民企由創辦人到大股東等重要位置，通常由同一個家族的人擔當，意味整間公司都由同一個家族掌舵，也因此民企管治以至公眾利益經常有爭議。
他指出，恒大資產規模同負債規模都係社會同資本市場重點關注的企業，可以叫做「不能倒下」的企業，另一方面，其實都多內房企業大股東同管理層有喺自己公司借貸等安排，中央或希望企業擁有者以私人財產決企業管理不善等問題。
