【Now財經台】內地上月官方及財新製造業PMI都處於收縮狀態，反映工業需求疲弱，而喺環球經濟放緩下，美國鋼鐵價格已跌至兩年低位，不過，有美國汽車業鋼材供應商預期，隨著晶片短缺及供應鏈問題逐步紓緩，汽車產業將採購更多鋼鐵原料，內地鋼企要改善經營狀況，係咪都要等工業需求復甦？
亨達財富管理董事總經理姚浩然指，依家內地有兩個行業比較疲弱，就係汽車及房地產，前者產量喺7月後顯著放緩，對鋼鐵需求減少，近期開始有起色，未來要留意銷售會唔會加快。房地產方面，佢認為情況比較差，而賣樓情況欠佳主要同幾個原因有關，包括開工項目少咗，而喺呢兩個產業比較差之下，導致鋼鐵需求、價格都做得比較差。
鋼鐵股方面，鞍鋼股份(00347)及馬鞍山鋼鐵(00323)股價已連跌3日，鞍鋼已跌至28個月低位，馬鋼更見咗兩年低位，到底要跌到幾時？姚浩然指，睇鋼鐵股要留意一樣嘢，就係...
