【名家給力場】陽光能源售曲靖陽光有咩盤算？

【Now財經台】陽光能源(00757)今年2月將錦州佑華賣畀曲靖陽光，而曲靖陽光喺4月底配股，導致陽光能源持股被攤薄至近45%，到上周五陽光能源宣布擬出售呢批股份，而而估計有11億人仔稅前利潤，建議派特別息，點解讀先攤薄再高價賣走呢個做法？

《香港股票財技密碼》作者梁杰文話，估計同上市規則有關，未配股前，陽光能源間接持有錦州佑華大部分股權，可能公司唔睇好前景唔參與配股，持股被攤薄至唔夠50%，失咗控股權。

梁杰文又話，街外投資者睇好曲靖陽光經營前景，先會願意大手投資，公司今年7月及上個月都喺通告中表明，睇好單晶硅棒及硅片嘅前景及業務，但另一方面又唔參與配股增資，情況有啲自相矛盾。