【Now財經台】金蝶國際(00268)股價今朝高開逾1.5%後，升勢持續，午後升幅擴大，一度升近13%，高見13.34元，暫時成交金額逾4億元。
金蝶10月中自低位9元樓下開始反彈，主要係同政策扶持軟件業有關，深圳市政府要推動軟件產業高質量發展，目標係用5年時間，將深圳軟件產業提升至國際先進水平，核心軟件關鍵技術實現自主可控等。
北水經港股通持股，由上月底唔夠14%升至最近17%，不過，經歷一輪升浪後，成交開始跟唔上，RSI最新升至64水平，後市可以先留意今日成功突破嘅50天線，係咪可以企得穩。
