【Now財經台】恒生指數再創13年半新低，但噚日出季績嘅中國海洋石油(00883)、中國石油股份(00857)、中海油田服務(02883)，股價喺今日大跌市中仍算硬淨。
紅蟻資本投資經理李澤銘指，最睇好中海油，因公司主營上游業務，對油價走勢最敏感，但喺上季油價大跌12%時，仍可以保持盈利能力，純利按季僅跌2%。佢續指，石油輸出國組織(OPEC)減產後，相信今年冬天至明年春天，油價都會企喺每桶80美元以上，又預期集團今季盈利表現同第3季相若，而以往股息分派亦令市場滿意，所以今日中海油股價仲企得穩。
Alan又話，其次係睇好中石油，指公司有上、下游業務可分散油價下行嘅影響，長遠盈利前景較中海油穩定，但股價短線未必可以升得多過中海油。至於中海油服，佢就話…
