【Now財經台】追蹤恒生指數嘅盈富基金(02800)今日跟隨大市向下，輕微低開後一度跌逾1%，低見15.22元。
盈富熱門CALL輪行使價喺19元樓上，接近100天線水平，槓桿6倍至9倍，明年3月至6月到期，係咪博反彈嘅不二之選？
星展財資市場部上市產品主管周國威表示，恒指近排嘅反彈只維持1至2個交易日，好難捕捉做好倉時機，所以近期唔少資金由恒指產品轉玩盈富長年期CALL輪，槓桿冇咁高，防守性較高之餘，持貨成本亦較低。
Dick續指，如果中線睇好港股，亦可以考慮行使價17.48元或19.9元，槓桿6至9倍，明年6至12月到期嘅長身CALL。
