【股市脈搏】炒中遠海運要睇實10天線

【Now財經台】市傳中遠海運港口(01199)收購德國漢堡港有進展，但消息對股價冇乜幫助，股價今朝輕微高開後，最多升近5%，高見4.23元，但中午出完業績後，跟隨大市轉弱，收報4.06元，升不足1%。

德國聯邦經濟及能源部最新出新聞稿指，局部批准收購漢堡港呢單交易，包括集團持股可以多過25%等，不過，公司話未收到德國政府有關部份批准嘅正式決定。

中遠海運股價今年持續向下，暫時已累跌40%，月初失守10天線後，持續受制於呢個水平，短線要留意股價可唔可以上返及企穩10天線，即4.1元水平。