【Now財經台】維他奶國際(00345)噚日收市後發盈喜，受惠於內地業務淨利潤大增，預期中期最多賺1.5億元，去年同期僅賺3280萬元。不過，內地堅持動態清零，喺封城、檢測措施下，維他奶下半年業務可唔可以持續反彈？
耀才證券研究部總監植耀輝指，由於公司去年業務表現差，可以預期今年上半年會有唔錯嘅反彈，維他奶去年推廣開支都比較多，單是下半年已佔逾35%，未來要關注呢方面嘅開支增加係咪成為新常態，同埋成本上升會唔會令毛利率受壓。
Stanley又指，集團內地業務2020年前增長好勁，但之後表現轉差，2021年後市佔率被同業蠶食，個別企業在豆奶市場嘅佔有率已超越維他奶，所以公司要再打返好內地市場，難度高之餘，亦可能因為要谷銷量加大營銷開支，意味盈利再受影響。
