【Now財經台】滔搏(06110)中期業績倒退,整體收入按年跌15%至132億元人仔,表現係最少4年以來最差。集團其中一大零售合作夥伴Adidas指,內地市場需求復甦速度較預期慢,滔搏下半年業績有冇隱憂?
英皇證券研究部總監陳錦興指,市場對體育用品股睇法仍然保守,估計滔搏下半年業績未必有明顯改善。佢又話,雖然滔搏出中期業績時,股價跟隨大市衝高,但之後好快又受壓,反映投資者唔滿意業績,因為盈利及收入都要倒退。
Stanly又話,上月內地體育用品零售市道仍然麻麻,所以投資者都唔會有好大憧憬,因而傾向沽貨。佢續指,滔搏股價今個星期跌得急,技術性沽盤亦會加入壓低股價,估計短期可消化業績後嘅沽壓。