【Now財經台】截至早上11時,1小時內《彭博》用戶關注度上升最多嘅港股依次為阿里健康(00241)、港交所(00388)、ASMPT(00522)、長江基建集團(01038)及銀河娛樂(00027)。
今日排榜首阿里健康盈喜,估計中期轉賺最少8000萬元人仔,扭虧時間係咪比預期早?今次中期業績成功虧,呢個勢頭係咪可以持續?
獨立股評人譚智樂指,線上醫療股要賺錢唔難,但盈利能力要強到令市場覺得估值水平吸引,就未必做得到。Arnold又話,留意到阿里健康致力壓低成本,規模效應可以有幾大仲係未知數,但由於收入增長放緩,市場未必再願意比公司一個高估值水平,佢又認為,阿里健康今日大升主要係技術反彈,短線而言,要留意可唔可以企穩20天線。