【股市脈搏】周五放榜！君實會唔會升多浸？

【Now財經台】君實生物(01877)今朝輕微低開後，好快掉頭向上，午後升幅擴大，一度高見27.1元，大升逾19%，其後股價續於高位徘徊。

君實股價大升可能同公司新冠口服藥VV116有進展有關，君實上周五已啟動VV116三期臨床嘅第4項實驗，預期明年5月底完成，市場憧憬呢款藥商業化又邁進一步，但始終未有明確日子，股價今日咁興奮，亦可能有追落後因素。

君實AH股今日齊大升，H股喺大成交配合下，5個月以來首次升穿50天線，即26.7元水平，集團周五會出首3季業績，要留意有冇進一步好消息。