我的股票

    名稱 現價 升跌

    資料報價延遲十五分鐘

    【財經TOP SEARCH】視頻股暫時唔好掂

    【分析】 2022/10/19 14:27

    【Now財經台】截至早上11時止,1小時內《彭博》用戶關注度上升最多港股,依次為快手(01024)、中遠海能(01138)、中國海外發展(00688)、華潤置地(01109)及長江基建集團(01038)。

    快手今日跑輸大市,股價挫逾5%,其他短視頻相關股亦受壓,包括嗶哩嗶哩(09626)、中國有贊(08083)及微盟集團(02013),之前見過上市新低46.65元,噚日就重上50元,但今日又再失守,騰訊控股(00700)依家持有快手17%股權,早前市場擔心騰訊要減持手上投資,套現回購股份,其中1隻有機會被減嘅股份就係快手。

    獨立股評人譚智樂指,暫時盡量唔好沾手短視頻相關股,雖然有機會出現技術反彈,但唔建議投資者博,雖然呢啲未有盈利能力嘅科技股,未來會有政策支持,但喺現時嘅宏觀經濟環境下,係好難做到收支平衡,令市場重新提升估值。Arnold又指,快手呢一刻嘅關鍵支持位喺47.5元水平,如果跌穿埋就要小心。

    譚智樂
    耀才證券研究部副經理
    想睇更多財經消息