我的股票

    名稱 現價 升跌

    資料報價延遲十五分鐘

    【專家分析】炒軟件股忌反彈當轉勢

    【分析】 2022/10/18 15:30

    【Now財經台】內地上半年實施防疫封控措施,加上宏觀經濟放緩,軟件行業受收入增速放慢及毛利受壓夾擊,但高盛認為,行業下半年已出現復甦苗頭,軟件股今日造好,金蝶國際(00268)及金山軟件(03888)午後成為科指入面最強勢3隻股份之一,行業最壞時候係咪已經見咗?第3季及之後將會轉勢?

    獨立股評人譚智樂指,喺某啲層面上的確正在改善,例如監管及政策調控,整體環境有點好轉係事實,但唔足以扭轉股價趨勢,不過,盈利能力下半年有望好轉,因為上半年唔少科網企業都削減成本,例如炒人,但認為收入會同步增長,呢個睇法就太樂觀。佢又提醒,好多科技公司要扭虧為盈,其實十劃未有一撇,而最忌喺呢啲市況下,見股價彈得多就以為轉勢,其實只係之前跌得好殘,出現反彈主要係夾淡倉。

    譚智樂又話,好難去秤金軟同金蝶邊間公司好啲,而佢哋能唔能夠做到盈利能力,令市場覺得估值係合理,暫時似乎未必可以做到,始終係涉及估值問題,如果市況氣氛仍然唔樂觀,經濟下行壓力大,股價短線只係博反彈為主。

    譚智樂
    耀才證券研究部副經理
    想睇更多財經消息

    相關股票