【Now財經台】今日醫藥股表現突出，其中華潤醫藥(03320)一度升逾6%，高見5.76元，雖然潤藥今日走勢唔及同業強，但股價今年已累升約60%，跑贏同業及大市。
寶鉅證券董事及首席投資總監黃敏碩表示，潤藥股價可以喺慢熊市中穩步上升，勝在業務穩陣及估值夠平。佢又話，集團業務多線發展，主營嘅分銷藥品業務佔上半年收入約80%，收入較倚靠製藥或零售業務嘅醫藥股穩定，加上旗下有唔少中藥品牌，可以搶佔唔少市場分額，帶動公司收入增長。
目前，潤藥預測市盈率(PE)近8倍，估值比唔少同業平，Michael建議，可以等股價回落到5.2元至5.3元水平再吸納。
