【Now財經台】佐丹奴國際(00709)股價今朝高開逾1.5%後，keep住有得升，公司中午出咗營運數據後，股價午後大幅抽升，一度大升逾15%，高見1.49元，不過，成交金額唔算多，暫時僅逾500萬元。
集團第3季銷售額按年增長34%，受惠於旅遊限制及防疫措施陸續解除，推高東南亞及海灣阿拉伯國家合作委員會嘅銷售額，東南亞及澳洲銷售額亦倍升，但大中華地區業務就冇起色。
周大福控股全購失敗後，佐丹奴股價一直回調，雖然今日上返20天線，即1.47元水平，但長遠仍要睇防疫措施會唔會鬆綁，救返大中華地區銷售額，業務先可以全面復甦。
