【Now財經台】截至早上11時止，1小時內《彭博》用戶關注度上升最多港股，依次為國泰航空(00293)、新鴻基地產(00016)、中國鋁業(02600)、港交所(00388)及中國恒大(03333)。
國泰登上榜首，股價今日跑輸大市，最少見1個月低位，並連跌第5日。
官媒《人民日報》連日強調，必須堅持動態清零，香港跟內地通關似乎暫時無望，市傳行政長官李家超下周三(10月19日)發表嘅《施政報告》，入境檢疫措施未必會進一步放寬至「0+0」，事實上，自從實施「0+3」後，整體出行需求暫時未見十分熾熱，航空公司運力亦未完全恢復，早前，「0+3」消息一度帶挈國泰股價衝上9元樓上，但之後無以為繼，今日更失守8元，國泰股價後市會點走？
資深證券分析師彭偉新相信，國泰股價近日下跌，同官媒連日強調堅持動態清零有關，同大眾期望有落差，而航空股亦陸續跌返落去。雖然本港出行人數增加對國泰收益有幫助，但內地無法完全開放，加上大市弱勢都會拖住國泰後腿。
Castor又指，國泰股價會唔會反彈，要視乎短期有冇理想嘅營運數據支持，日本重啟自由行，短期客運需求一定會增加，有機會帶動國泰，不過，一旦數據唔理想，國泰有機會跌到7元水平。
