【Now財經台】截至早上11時止，1小時內《彭博》用戶關注度上升最多港股，依次為美團(03690)、中駿集團控股(01966)、中遠海控(01919)、龍湖集團(00960)及佳兆業集團(01638)。
今日有3隻內房股上榜，3家公司都傳出還唔到錢嘅消息，中駿及世茂集團(00813)旗下公司有逾16億人仔嘅信託產品未能按期兌付，再傳出呢類消息，市場係咪會憂慮內房出現新一波違約潮？
資深證券分析師彭偉新指，喺中駿、龍湖前，旭輝控股集團(00884)都試過動用唔到手頭資金，無法支付短期債務，被逼違約，依家違約風險似乎唔係冇足夠現金，而係有錢用唔到，所以今日內房股沽壓都好大，始終有企業還唔到錢，短期內好大機會其他內房借唔到新錢。
