我的股票

    名稱 現價 升跌

    資料報價延遲十五分鐘

    【財經TOP SEARCH】博上海復旦反彈暫時唔使諗

    【分析】 2022/10/10 13:07

    【Now財經台】截至早上11時止,1小時內《彭博》用戶關注度上升最多港股,依次為中芯國際(00981)、李寧(02331)、美團(03690)、中國海外發展(00688)、長城汽車(02333)。

    美國繼續收緊對華出口芯片產品與技術嘅限制,上周五再將31家中資企業列入未經核實嘅出口管制清單,今早喺本港上市,除了傳統半導體股之外,用得上半導體嘅行業股份都要捱沽,上海復旦(01385)之前升得多,今日都跌得多,行業前景如何?

    富昌證券聯席董事譚朗蔚指,行業前景睇得都比較暗淡,而且唔係今時今刻嘅事,美國同中國嘅對疊唔見有好勢頭,甚至不斷加強管制,今次管制更加可能覆蓋埋喺台灣製造、牽涉美國技術嘅芯片,禁制規模愈嚟愈大,技術、原材料上嘅限制都對芯片生產好大影響,無論係高技術定係低技術芯片都生產唔到,難以睇到行業出路。

    Stevan又話,行業大部分股份都唔係依家先跌,而係一路穿底,行業大部分股份都跌,好似上海復旦咁只得1隻喺上方,而且破頂時,就要加倍小心,因為一但有壞消息,資金就會走得好快,今次可能係嚴重超賣,但預期後市都難有反彈。

    想睇更多財經消息