【Now財經台】疫情前主力做內地客生意嘅莎莎國際(00178),股價已連升第4日,今日一度升逾10%,高見1.3元,收市升逾8%,報1.28元。
有消息指,內地防疫措施有望喺「二十大」後放寬,不過,旅發局預期,即使本港檢疫措施放寬至「0+0」,旅遊業復甦仍需要一段時間,喺1利1淡消息下,莎莎仍可保持升勢兼跑出,除通關憧憬外,亦同股價低殘有關。
莎莎股價落到去疫情以嚟支持位1元後,隨即連日反彈,10月開局以來,股價累升17%,技術走勢方面,MACD線快線喺熊區升穿慢線,釋出利好訊號,但一日未通關,相信都難以扭轉連蝕3個財年嘅劣勢。莎莎最快下周公布第2季度營運數據,留意會唔會為市場帶來驚喜。