【Now財經台】停牌逾年半嘅華晨中國(01114)，趕及喺18個月除牌死線前復牌，復牌通告話，集團有足夠業務及資產維持上市地位，雖然避過除牌危機，但睇返華晨嘅財務狀況，仲使唔使擔心公司經營情況？
華盛証券分析師聶振邦指，暫時市場對華晨仲有信心，始終公司停牌超過年半，雖然今日復牌股價暴瀉，但其實唔少中資車股呢段時間股價都跌咗唔少，加上華晨今日喺低位都有買盤吸納，相信會為後市帶嚟一啲支持。
聶Sir又話，據中期業績顯示，公司現金及現金等價物逾179億元，而對應流動負債及非流動負債僅41億元，因此，集團現金暫時都非常充裕，有能力還清債務。
