【Now財經台】內險股今日弱勢，跌幅最大係新華保險(01336)，收市跌近6%，中國平安(02318)下晝一度低見37元，挫逾5.6%，跌至逾5年低位，收市跌逾4%，報37.5元。
目前，平保持有碧桂園(02007)、旭輝控股(00884)及中國金茂(00817)股份，呢3隻股份上季跌幅介乎24%至79%，期內平保嘅投資帳面價值大跌逾76億人仔，相當於集團上半年純利約12%，加上公司持有嘅8%滙豐控股(00005)股權，喺英鎊受壓下股價亦冇運行。
雖然平保指，會繼續減少內房股債投資佔比，但上半年仍持有逾2200億元同房地產相關投資，除非內房情況明顯好轉，或平保本身嘅業務有改善，否則，平保股價短期都難有起色。
