我的股票

    名稱 現價 升跌

    資料報價延遲十五分鐘

    【財經TOP SEARCH】郵儲行唔好估底唔好撈底

    【分析】 2022/10/03 15:07

    【Now財經台】截至早上11點止,1小時內《彭博》用戶關注度上升最多港股,郵儲銀行(01658)、新世界發展(00017)、中國海外發展(00688)、龍湖集團(00960)、華潤置地(01109)。

    郵儲行喺內銀股中特別跑輸,近日唯一比較負面的消息,喺李嘉誠基金會上周四減持咗5萬股,值得留意嘅係,今次其實唔係第一次減持,加上滙證上周五將郵儲行降級兼下調目標價,郵儲行今早股價曾大跌12%,係咪反映投資者憂慮李嘉誠基金未來會繼續減持郵儲行?

    富昌證券聯席董事譚朗蔚指,今日下跌有近因亦有遠因,遠因係內房信貸違約等嘅恐懼持續地困擾內房及內房,行業整體走勢都係較差,近因就同李嘉誠基金會減持相關,利淡其實一直存在,但減持就好似一個訊號,提醒市場某啲板塊、個股係唔被睇好,內銀單日跌逾10%都算誇張,亦係嚴重超賣,但中長線嚟講,仍然係內房信貸危機持續困擾整個行業。

    Stevan又話,郵儲行現時下試前年第4季支持位4.1元水平,但提醒投資者唔好隨便估底,就算想長揸內銀股收息,都最好放慢加注步伐。

    想睇更多財經消息