【Now財經台】據港交所權益披露顯示，李嘉誠基金會上周四減持5萬股郵儲銀行(01658)，減持後，基金會持股量將降至10.99%，以今日股價計，持有嘅份市值不足100億元。
減持消息一出，郵儲行股價今朝即插水，跌得多過同業之餘，更不斷下試日內低位，一度低見4.07元，大跌逾12%，。
郵儲行股價8月失守4.76元招股價後，一直喺招股價徘徊，今日顯著下挫，股價已跌至好關鍵嘅水平，依家4.3元、4.4元分別係250周線、250月線所在位置，如果上唔返去，尋底格局都好明顯，滙豐證券今日出報告，話郵儲行估值貴，平均市淨率較4大國有行逾40%溢價。
